Во Македонска Каменица успешно заврши шаховското првенство за сениори, кое го организираше Шаховскиот клуб „Каменица Саса“. Турнирот собра бројни натпреварувачи и претставуваше вистинска прилика за покажување на шаховските вештини и стратегија.
Првото место и со тоа титулата на првенството ја освои претседателот на клубот, Лазо Стаменковски, кој постигна импресивни 12 поени од можни 12. Втората позиција му припадна на Санде Ивановски со 8,5 поени, додека третото место го освои Меџит Куртовиќ со 7,5 поени од можни 12.
Првенството беше одлична можност за промоција на шахот во регионот и за афирмација на талентираните играчи од Македонска Каменица.