Според објавата на Општина Македонска Каменица и КИЦ „Романса“ – Македонска Каменица, во текот на декември 2025 година градот ќе биде домаќин на повеќедневна новогодишна културно-забавна програма, која ќе се реализира на Градскиот плоштад и во Домот на културата.
Како што информираат од општината и КИЦ „Романса“, програмата ќе опфати настапи на повеќе музички бендови и изведувачи, детски театарски претстави и празнични активности за најмладите, како и поделба на новогодишни пакетчиња со Дедо Мраз.
Предвидено е и свечено пуштање на новогодишната елка, додека кулминација на програмата ќе биде дочекот на Новата 2026 година со концерт на Антониа Гиговска.
