Денеска го славиме Тодоровден – Тодорова сабота. За многу години!
Православните христијани денес го одбележуваат празникот Тодоровден – Тодорова сабота, кој се празнува во првата сабота од Великиот пост.
На овој ден Црквата го чествува и споменот на светиот апостол Онисим. Свети апостол Онисим е познат од Посланието на свети апостол Павле до Филимон. Некогаш роб и бегалец, преку средбата со апостол Павле го прифатил христијанството и станал верен проповедник на Евангелието, сведочејќи дека во Христа сите се повикани кон духовна слобода и преобразување.
Тодоровата сабота е поврзана и со споменот на Теодор Тирон и чудото со варената пченица – кољиво, како симбол на Божјата грижа за верните во време на постот. Празникот претставува поттик за продолжување на Великиот пост со вера, трпение и духовна посветеност.