Православната црква ги одбележува спомените на преподобниот Тимотеј и свети Евстатиј Антиохиски
Православните христијани денес го одбележуваат споменот на преподобниот Тимотеј и на свети Евстатиј, архиепископ Антиохиски. Празникот се одбележува во периодот на Великиот пост, кога во храмовите се чита Акатистот на Пресвета Богородица.
Преподобниот Тимотеј бил познат по својот строг монашки подвиг, живот исполнет со пост и молитва, оставајќи пример за духовна посветеност и смирение.
Свети Евстатиј Антиохиски, пак, останал запаметен како ревносен бранител на православната вера во времето на аријанската ерес.
Поради своето исповедање на верата и одбраната на вистината за Христовото Божество, тој претрпел прогонство и страдања.
Во деновите на Великиот пост, верниците преку богослужбите и молитвата кон Пресвета Богородица се повикуваат на духовна будност, смирение и истрајност во верата.