За прв пат на територијата на Општина Делчево е избрана и жена за претседател на месна заедница. Во с. Вратиславци за претседателка на Месната заедница е избрана Слободанка Митевска.
Градоначалникот Иван Гоцевски изрази задоволство од интензитеот на процесот на активирање на месните и урбаните заедници и од интересот на жителите за учество во работата на советите. Тој уште еднаш ја истакна важноста на функционирањето на месните и урбаните заедници кои се основната клетка во една општина со огромно значење за секој граѓанин, бидејќи преку оваа форма на организирање се овозможува граѓаните да се активни во својата заедница, да дадат придонес во решавањето на нивните секојдневни проблеми и да придонесат за подобро функционирање на општината.
Општина Делчево избра 15 нови совети на месните и урбаните заедници.